Бул апта Канышай Мамыркулованын иши боюнча алдын ала соттук отурум өтүшү мүмкүн
15:32, 23 апреля 2025, Бишкек - 24.kg
Журналист Канышай Мамыркулованын иши боюнча тергөө аяктады. Бул тууралуу 24.kg агенттигине адвокат Нурбек Сыдыков билдирди.
Анын айтымында, жактоочулар иш материалдары менен таанышып бүтүштү. Андан кийин алар сотко берилиши керек.
Адвокат ошондой эле маңызы боюнча соттук териштирүүнүн күнү азырынча белгисиз экенин, бирок алдын ала угуу ушул жуманын башында болушу мүмкүн экенин кошумчалады.
«Жактоочу тарап алдын ала соттук отурумда баш коргоо чарасын өзгөртүү тууралуу өтүнүч келтирет», — деди ал.
Эске салсак, Канышай Мамыркулованы Свердлов райондук соту 19-майга чейин абакта калтыруу чечимин чыгарган. Милиция аны «массалык башаламандыкка чакырыкка» жана «улут аралык кастыкка» айыптап жатат.
