03:27
USD 87.86
EUR 93.94
RUB 1.00

Кыргызстан Индия жана Кытайдын айрым жарандары үчүн визасыз режим киргизди

Кыргызстанга кирүүнүн айрым шарттары сакталган учурда Индия жана Кытай жарандары үчүн жети күнгө чейин визасыз режим киргизилет. Бул тууралуу Тышкы иштер министрлиги билдирди.

АКШ, Улуу Британия жана Шенген зонасы сыяктуу өлкөлөрдүн узак мөөнөттүү, көп жолку визаларынын ээлери болгон Индия жана Кытай жарандары өлкөдөн чыгып кеткен күндөн тартып 21 күн өткөндөн кийин кайра кирүү укугуна ээ болуп, жети күнгө чейинки мөөнөткө визасыз режимден пайдалана алышат.

Макао жана Гонконг атайын администрациялык райондорунун туруктуу жашоочулары үчүн кайра кайтууга авиабилети болгон учурда 30 күнгө чейинки мөөнөткө визасыз режим киргизилет. Кыргызстандан чыккан күндөн тартып 30 күн өткөндөн кийин кайра кирүү укугу берилет.

Бул чаралар туристтик агымдарды андан ары стимулдаштырууга жана Кыргызстандын инвестициялык жана ишкердик жагымдуулугун жакшыртууга багытталган.

Эң көп окулган жаңылыктар