Кыргызстан жашоо шарты эң арзан алдыңкы үч өлкөнүн катарына кирди. Бул тууралуу Numbeo изилдөө агенттигинин көрсөткүчү аныктаган.
Изилдөөгө ар кайсы өлкөлөрдөгү товарлардын жана кызмат көрсөтүүлөрдүн, анын ичинде ижара турак жай акысы, коммуналдык кызматтар, тамак-аш, кийим-кече, унаа жана эс алуу наркы эске алынган. Бул көрсөткүчтөр Нью-Йорктогу (АКШ) жашоо деңгээли менен салыштырылган. Рейтингде жалпы 135 мамлекеттин тизмеси бар. Алдыңкы саптагы он мамлекетте жашоо эң кымбат, ал эми акыркы тизмедегилер арзаныраак болуп эсептелинет.
Евразия экономикалык бирлиги боюнча коңшу өлкөлөрдүн арасынан Өзбекстан 130-орунду, Казакстан 116-орунду, Беларусь 112-орунду, Россия 107-орунду жана Армения 106-орунду ээледи. Рейтингде Тажикстан көрсөтүлгөн эмес.
Бермуда, Швейцария, Норвегия, Исландия жана Япония жашоо үчүн эң кымбат мамлекет болуп абылды.
