Депутаттар 14 чакан ГЭС боюнча тендерди жокко чыгарууну талап кылышууда. Бул тууралуу Жогорку Кеңештин бүгүнкү жыйынында депутат Курманкул Зулушев билдирди.
Анын айтымында, тендер боюнча токтом электржарыгы жөнүндө мыйзамга каршы келет. Көпчүлүк элдер ГЭС куруу үчүн өздөрү жер сатып алууда. Мисалы, Кеминде 3 мегаватт кубаттуулуктагы кичи ГЭС курулду.
«Элдер өз акчасына ГЭС куруп жатышат. Мамлекет болсо аларга бут тосуу менен алек. Негизинен бул тендерди жарыялоодо эле мыйзам бузуу бар. Андыктан жокко чыгарууну талап кылам» — деди депутат.
Эскерте кетсек, буга чейин дагы бир депутат — Кубанычбек Нурматов 14 ГЭСке жарыяланган тендерди сынга алган.
