Москва райондук соту кыз ала качууга айыпталган 20 жаштагы М.Р.ны 5 жылга эркинен шарттуу түрдө ажыратты.
Соттун өкүмүндө айтылгандай, М.Р. 16 жаштагы кызга үйлөнүү үчүн аны ала качып кеткен.
«Соттун жүрүшүндө М.Р. күнөөнү мойнуна алып, жабырлануучу менен Инстаграмдан таанышканын айтты. Эки жолу кезигип, турмушка чыгууга кыз макулдугун берген. Ал 16 жашта экенин жашырып, 19 жашта деп тааныштырган. Бирок, жабырлануучу кыздын айтымында, ал турмушка чыгууга макул болгон эмес. Кызды ала качып кеткенден кийин кыздын туугандары милиция менен аркасынан кууп келишкен», -деп айтылат өкүмдө.
