«Пара алып жаткан жеринен кармалган соттордун баардык чечимдерин кайра карап чыгыш керек», -деп Жогорку Кеңештин депутат Исхак Масалиев Конституциялык мыйзамдуулук, мамлекеттик түзүм боюнча комитеттин жыйынында билдирди.
Депутат акыркы жылдары бир катар соттор пара менен кармалып жатканын белгилеп, алардын чечимдерин кайра териштирип чыгуу зарылдыгын билдирди.
Жогорку соттун төрайымынын орун басары Феруза Жамашева бул сунуш ашыкча экендигин маалымдады.
«Сот белгилүү бир иш менен кармалды. Андыктан, баардык эле чечимдерин жокко чыгаруу туура эмес», — деди Феруза Жамашева.
