«Кыргызалтын» башкармалыгынын төрагасынын орун басары Жумадилде уулу Мурадил жумуштан кетти. Бул тууралуу маалыматты компаниянын пресс-кызматы 24.kg агенттигине тастыктады.
Анын айтымында, Жумадилде уулу Мурадил өз эрки менен жумуштан кетүү арызын жазган.
Эске сала кетсек, ал 2018-жылдын 18-октябрында Өнөр жай, энергетика жана жер казынасын пайдалануу боюнча мамлекеттик комитетинин сунушунун негизинде, «Кыргызалтын» ААКнын башкармалыгынын төрагасынын экономика, финансы жана инвестиция боюнча орун басары болуп шайланган.
Анын ордуна ким келери азырынча белгисиз.
