Кошмо Штаттар коронавируска каршы күрөшүү үчүн казак өкмөтүнө АКШнын эл аралык өнүктүрүү агенттиги (USAID) аркылуу 800 миң доллар бөлдү.
АКШнын Казакстандагы элчилиги кабарлагандай, бул каражат ири масшабдагы тестирлөө үчүн лабораториялык системаларды даярдоо, медициналык мекемелердеги инфекциялык кырдаалды көзөмөлдөө, дезинфекциялоо иштерине жумшалат.
Казакстанда 3-апрель түшкө чейин вирус жуктургандардын саны 448ге жетти. Акыркы төрт учур Түркстан, Караганды жана Түндүк Казакстан облустарында катталды.
