17:49
USD 69.74
EUR 79.24
RUB 1.05

Нур-Султанда автобус менен жүк унаасы кагышып, 23 адам жабыркады

Нур-Султанда автобус менен жүк унаасынын кагылышуусунан 22 жүргүнчү жана автобустун айдоочусу жаракат алды. Бул тууралуу шаардык полиция департаментинин басма сөз кызматы билдирди.

Кырсык 23-сентябрда борбордук көчөлөрдүн биринде болгон. Жүк унаасы негизги жолдо бараткан автоунаага жол бербей коюп, жыйынтыгында автобус менен сүзүшкөн.

Интернетте тараган видеодон автобустун алдыңкы бөлүгү зыянга учураганын көрүүгө болот.

Автобустун айдоочусу ооруканага жаткырылып, 22 жүргүнчү медициналык жардам алгандан кийин үйлөрүнө кетишкен. Полиция бул кырсык боюнча тергөө иштери башталганын билдирди.

Эң көп окулган жаңылыктар
8-декабрь, жекшемби
6-декабрь, жума