Бурулай Турдали кызынын өлүмүнө шектүү 29 жаштагы киши № 1 тергөө абагына которулат. Бул тууралуу Чүй ОИИБдин басма сөз кызматы билдирди.
Маалым болгондой шектүү ооруканадан чыккан.
Эске салсак, 27-майда болжол менен саат 22:00дө Биринчи Май РИИБга кыз ала качуу боюнча билдирүү келип түшкөн. Милиция кызматкерлери Сосновка айылынан окуяга тийиштиги бар делген унааны токтотушуп, ичиндеги 3 жаранды Жайыл райондук ИИБга алып келишкен. Документтерди толтуруу маалында, кылмышка шектүү кыз отурган бөлмөгө кирип, эшикти жаап алган. Милиция кызматкерлери эшикти сындырып киришкенде, канга чыланып жаткан кызды жана кылмышкерди көрүшкөн.
