Кыргызстанда өспүрүмдөрдүн 60% интернетте өздөрүн коопсуз сезишет. Бул тууралуу БУУнун балдар фонду M-report Улуттук стратегиялык изилдөөлөр институту менен биргеликте жүргүзгөн изилдөөсүнө таянып жарыялайт.
«Кыргызстанда ЮНИСЕФ онлайн коопсуздук маселелеринде окутуучулардын, тартип коргоо органдарынын өкүлдөрүнүн, ошондой эле ата-энелердин билимин жогорулатуу жаатында Өкмөттүн аракеттерин колдоп келет», — дейт ЮНИСЕФтин Кыргызстандагы башчысы Юкиэ Мокуо.
ЮНИСЕФ онлайн режиминде отурган балдардын коопсуздугу бардык тараптар үчүн артыкчылыктуу маселе боло турган мамлекеттик санарип саясатын иштеп чыгуу үчүн өкмөт, жарандык коом жана жеке сектор менен дагы да тыгыз кызматташуу зарыл болгонун белгилеп, балдардын жеке маалыматтарын сактоо жаатында иш жүргүзүүнү сунуштайт.
