Кыргызстандын жаш хоккеисттери АКШдагы таймашка катышат. Бул тууралуу бүгүнкү маалымат жыйында федерациянын вице-президенти Асел Абдыгулова билдирди.
Анын айтымында, таймаш 1-8-декабрда Чикаго шаарында өтөт. Ага Бишкек курама командасынын 2008-жылга чейинки спортчулары барышат.
«Биздин хоккей команда биринчи жолу жогорку деңгээлдеги таймашка катышып жатат. Балдар буга чейин Россия жана Казакстанда күч сынашкан» — деди Асель Абдыгулова.
