Казакстандын Тышкы иштер министри кыргыз-казак чек арасындагы кырдаал боюнча туура маалымат берүүгө чакырды. Бул боюнча Informburo.kz сайты маалымдайт.
Казакстандын билдирүүсүндө, Кыргызстандын коомчулугу чек ара боюнча туура эмес маалымат алып жатат.
«Премьер-министр Бакытжан Сагинтаев ЕАЭБтин өкмөттөр аралык кеңешмесинин жүрүшүндө чек ара боюнча так маалымат берди», — дейт казак ТИМи.
Бүгүн Казакстандын Бишкектеги элчилигин алдына «Кырк чоролор» уюму митингге чыккан. Алар казак бийлигине кайрылып, чек араны ачууну өтүнүшкөн. «Кырк чоролор» маселе чечилбесе, үч күндөн кайра митинг уюштурмакчы.
