Москвада Коммунарка айылындагы курулушта иштеген мигранттар мушташты. Бул тууралуу россиялык ЖМК маалымдайт.
Курулушчулар темир, күрөк жана башка шаймандар менен бири-бирин сабашкан. Милициянын маалыматында, курулушчулардын эки бригадасы чатакташа кеткен.
«Өйдөнкү кабатта иштеген курулушчулардын бири таштандыны төмөндө иштегендерге ыргыта баштаган. Жыйынтыгында алты жумушчу ар кандай жаракат менен оорууканага жеткирилди», — деп жазылат.
Кылмыш иши козголду.
