06:06
USD 87.86
EUR 93.94
RUB 1.00

Орусияда соттолгон кыргызстандыктардын көбү мекенине кайткысы келбейт

Орусияда соттолгон кыргызстандыктардын саны көп, бирок «көпчүлүгү эмнегедир мекенине кайткысы келбейт жана Орусияда жаза өтөөнү каалашат». Бул тууралуу маалымат жыйынында тышкы иштер министри Жээнбек Кулубаев билдирди.

«Биз Башкы прокуратура жана соттор менен абакка кесилген кыргызстандыктарды кайтаруу боюнча активдүү иштедик. Өлкөгө 100дөн ашуун жаран которулду», — деди ал.

Мындан тышкары, Россиянын аймагында ата-энесинин камкордугусуз калган 11 жашы жете элек балдар Кыргызстанга алынып келинди.

Сирия, Түркия, Ирак, Судан жана Тринидад менен Тобагодон Кыргызстандын 276 жараны эвакуацияланды.

Жээнбек Кулубаев

Анын айтымында, республикага чет өлкөдө каза болгон 213 кыргызстандыктын сөөгү алынып келинди.

Афганистанда жашаган этникалык кыргыздарга жардам көрсөтүлүп, аларга дары-дармек жана азык-түлүк түрүндө гуманитардык жардам жөнөтүлдү.

Эң көп окулган жаңылыктар