2023-жылдын үчүнчү кварталынын жыйынтыгы боюнча жүгүртүүдөгү банктык төлөм карталарынын жалпы саны 6 миллион 344,1 миңди түздү. Мындай маалыматтарды Улуттук банк билдирди.
Өткөн жылдын ушул мезгилине салыштырмалуу карталардын саны 36,1 пайызга, ал эми 2023-жылдын башына салыштырмалуу 21,2 пайызга өскөн.
Анын ичинде өлкөдө 3 миллион 220,1 миң «Элкарт» улуттук системасынын карталары (50,8 пайыз), 2 миллион 956,9 миң VISA системасынын карталары (46,61 пайыз), 52,5 миң Masterсard, 93,1 миң «Золотая Корона» жана 21,3 миң Union Pay карталары колдонулат.
