Кечээ футболдук беттеш маалында күйөрмандар эски аянты таза кармашкан. Бул тууралуу «Тазалык» ишканасынан билдиришти.
«Кыргызстан менен Жапониянын мелдеши бүткөндөн кийин эски аянттагы күйөрмандар зонасы таза бойдон сакталды. Таштандыларды атайын челектерге ыргытышкан. Биз көп деле тазалап убара болгон жокпуз. Тазалык үчүн рахмат!», — деп жазат ишкананын басма-сөз катчысы Жибек Каракеева.
Эске салсак, 2022-жылы өтө турган Дүйнө чемпионатынын тандоо турунун алкагындагы мелдеш Дөлөн Өмүрзаков атындагы стадиондо болду. Кыргызстандын улуттук курама командасы Жапондуктардан утулуп калды.
