Дүкөндөргө жана турак үйлөргө кирип уурулук кылып жүргөн адам кармалды. Бул тууралуу Ош ОИИББдан билдиришти.
Маалыматка ылайык, ушул жылдын май айында Ноокат районунда бир нече уурулук фактысы катталган. Анда милицияга бир канча жаран арыз менен кайрылышкан.
Кылмышка шектелип Бишкек шаарынын 1997-жылы туулган М.А. аттуу тургуну колго түшүрүлдү. Ал Бишкек, Ош шаарларында, Баткен, Ысык-Көл облустарынын аймактарында уурулук менен алектенип жүргөндүгү аныкталды.
