Эми парламенттин депутаты менен онлайн баарлашууга жол ачылды. Ал үчүн Жогорку Кеңештин расмий сайтына кирүү керек.
Сайттагы ар бир депутаттын жеке баракчасындагы «кайрылуу» белгисин басып, суроо узатууга болот. Бирок, депутат менен сүйлөшүү үчүн аты-жөнүн ачык жазып, катталуу зарыл.
«Бул жаңы мүмкүнчүлүк шайлоочулардын бизге түздөн-түз кайрылуусуна жол ачып, бюрократиялык тоскоолдуктарды азайтат», — дейт депутат Рыскелди Момбеков.
