Кара-Балта шаарынын тургундары «Жунда» мунай зат иштетүүчү заводуна даттанышты. Бул тууралуу алар бүгүнкү маалымат жыйында билдиришти.
Айтымында, заводдун жетекчилиги агынды сууларын шаардык канализация агызууда. Ал шаардыктардын ден-соолугуна терс таасир тийгизип жатат.
«Балдарыбыз ооруп жатат. Ар бир балада астма, аллергия пайда болду. Заводду жабууну талап кылуудан пайда жок. Экологдорду өзүбүз чакырып, суу жана абаны текшерттик. Алардын жыйынтыгы аба жана суу булгангандыгын көрсөттү. Бирок, завод жетекчилиги ага көңүл да бөлгөн жок», — деди Назгүл Жакыпбекова.
Кара-Балта шаарынын тургундары бул маселеге президент, Жогорку Кеңеш жана өкмөттүн көңүл бөлүүсүн талап кылышат.
