Таластагы «Манас ата» лицейинин 11-классынын окуучусу Даян Мэлисов Англияда өткөн биология сабагы боюнча Эл аралык олимпиадада күмүш медаль алды. Бул тууралуу Билим берүү министрлигинин маалымат кызматы кабарлайт.
Олимпиадага Нарын жана Токмак шаарларындагы «Сапат» билим берүү мекесинин окуучулары тобу менен барышкан. Ага дүйнөнүн 67 өлкөсүнөн 260 окуучу катышкан.
