Баткенде ууру эки жаш баланы муунтуп өлтүрдү. Бул тууралуу «24.kg»маалыматты агентигине Ички иштер министрлигинен ырасташты.
1996-жылы туулган киши өзүнүн туугандарынын үйүнө уурулукка кирген. Аны балдар таанып калышкан. Ал 11 жана 9 жаштагы балдарды муунтуп өлтүргөн.
«Кылмышынын бети ачылып калбасын деп ууру балдарды муунтуп өлтүргөн. Буга чейин дагы ал ушул эле үйгө уурулукка кирип, кожоюндар өздөрү кармап, милицияга арыз жазышкан эмес», — дешти мекемеден.
Кармалган жаран менен үйдүн кожоюну бир туугандар. Ал азыр камоого алынып, кылмыш иши козголду.
