Баткенде жол кырсыгынан үч киши набыт болду. Бул тууралуу Ички иштер министрлиги маалымдайт.
ИИМдин билдирүүсүндө, 29-майда Баткен-Ош жолунун 45-чакырымында «Хонда Степвагон» машинасы катуу ылдамдыкта келе жатып, дөңгөлөгү жарылып, айдоочу рулду башкара албай калган. Унаада 9 жүргүнчү болгон. Каза болгондордун бири 13 жаштагы бала. Алты жүргүнчү аймактык оорууканага жеткирилди.
Териштирүү иштери башталды.
