Балдарга дин боюнча маалымат берүү керек. Бул тууралуу бүгүн Москванын жана бүт Россиянын патриархы Кирилл менен жолугушуу учурунда Билим берүү жана илим министри Гүлмира Кудайбердиева билдирди.
Гүлмира Кудайбердиева, бул жолугушуу Орозо айынын башталышында өтүп жаткандыгы жакшы белги экендигине токтоло өттү.
«Азыркы чакырыктар диндин пайдубалына жана коомчулуктун биримдигине коркунуч жаратат. Билимдүү адам ар кандай кооптуу чакырыктардан алыс болот. ЖМК жана интернеттеги терс көрүнүштөрдүн өсүшү, жаңы муунга туура жана керектүү маалыматтарды кабыл алууга жолтоо болуп жатат. Үй-бүлө жана билим берүү тутуму менен бирге биз ушул балуулуктарды киргизишибиз керек» — деди ал.
Москванын жана бүт Россиянын патриархы Кириллдин бул Кыргызстанга алгачкы сапары.
