Баткен районунда «Сары-Талаа-Кызыл-Таш-Зардалы» унаа жолунун курулушу аяктады. Бул тууралуу IV Элдик курултайда министрлер кабинетинин төрагасы Адылбек Касымалиев билдирди.
Ал белгилегендей, жолдун жалпы узундугу 17,5 чакырым. Жолдун 7,5 чакырым узундуктагы тилкесинде кеңейтүү иштери аткарылып, жардыруу иштери жүргүзүлгөн. Мындан тышкары, узундугу 30 метр болгон көпүрө салынган.
