Түркияда иштеген кыргызстандыктар келечекте пенсия ала алышат
10:04, 20 марта 2025, Бишкек - 24.kg
Кыргызстандын жарандарынын Түркияда иштегени келечекте пенсия алуу укугун камсыздайт. Бул тууралуу Эмгек, социалдык коргоо жана миграция министрлигинин басма сөз кызматы билдирди.
2020-жылдын 1-ноябрында Кыргыз Республикасынын Министрлер Кабинети менен Түркия Республикасынын Өкмөтүнүн ортосундагы социалдык камсыздоо жөнүндө макулдашуу күчүнө кирди.
Келишимдин алкагында бүгүнкү күнгө чейин Түркия мамлекетинен иш тажрыйбасы боюнча 344 кайрылуу түшкөн. Анын ичинен 340 кайрылуу каралып, жооптор берилди.
Келишимге ылайык, Түркия Республикасы Кыргыз Республикасынын бир гана жаранына пенсия дайындаган (пенсиянын өлчөмү 490 түрк лирасын түзөт).
