Парижде өтүп жаткан Олимпиадада кыргызстандык сууда сүзүүчү Денис Петрашов бүгүн, 30-июлда 200 метрге брасс менен сүзүүдө жарым финалга чыкты.
Мелдешке жалпысынан 25 спортчу катышты. Алдын ала жарыштардын жыйынтыгы боюнча эң мыкты 16 спортчу жарым финалга жолдомо алышты. Петрашов 2 мүнөт 10,99 секунд жыйынтыгы менен 16-орунду ээлеп, 1/2 финалга чыкты.
Жарым финал 31-июлга караган түнү Бишкек убактысы боюнча саат 02:00до болот. Финалга 8 мыкты спортчу өтөт.
