Өзгөн районунун Кара-Тарык айылында 150 орундуу жаңы мектептин курулушу аяктады. Бул тууралуу Архитектура, курулуш жана турак жай-коммуналдык чарба министрлигинин басма сөз кызматы билдирди.
Маалыматка ылайык, долбоор мамлекеттик бюджеттин эсебинен ишке ашырылып, жумуштун жалпы баасы 109,5 миллион сомду түздү.
Учурда окуу жайга эмеректер жана башка керектүү жабдыктар жеткирилүүдө.
