Кыргызстандын футбол боюнча курама командасы ФИФАнын рейтингинде 100 -орунга чыкты. Жаңыланган тизме эл аралык федерациянын сайтында жарыяланды.
Команда төрт тепкичке көтөрүлдү.
Рейтингде 210 курама бар. Алдыңкы бештикке Аргентина, Франция, Бельгия, Англия жана Бразилия кирет.
АФК аймагында команда 17-орунду ээледи.
Эскерте кетсек, Кыргызстандын курама командасы 2026-жылы өтө турган дүйнө чемпионатына тандоо турунун алкагында Кытайдын Тайбэй курамасы менен эки оюн өткөргөн. Эки беттеште тең кыргызстандык футболчулар жеңишке жетти.
Ал эми Кыргызстандын кыз-келиндер курама командасы эл аралык футбол федерациясынын рейтингинде 130-орунда турат.
