Кадамжай районуна караштуу Кыргыз-Кыштак айылында өрүктүн эрте бышуучу сорттору бышып, түшүм жыйноо башталды. Бул тууралуу Президенттин Баткен облусундагы өкүлчүлүгү билдирди.
Маалыматка ылайык, багбан Толубай Жалилов өткөн жылы 20 гектар жерди өздөштүрүп, анын 7 гектарына өрүк бак тиккен.
Быйыл алгачкы түшүм мол болуп, жемиштер жыйналууда.
Ал Түркиядан «Фуего», «Приция» жана «Микадо» сортторун алып келип өстүргөн.
Учурда жыйналган түшүм Казакстан жана Орусияга экспорттолуп жатат.
