Ысык-Көл облусунун Ак-Суу районундагы Бөрү-Баш айылынын тургуну Асел Исакунова биринчи топтогу майып. Ал үйдө отуруп, америкалык Аmazon компаниясында иштейт. Аны менен катар бир жыл мурун өзүнүн айылында бизнес баштап, туруктуу киреше табууга жол ачылды. Азыркы учурда ал айылдаштары менен тажырыйбасын бөлүшүп, аларга да иш баштоого жардам берип жатат.
Асел Исакунова 24.kg агенттигине айыл жергесинде кантип өз алдынча акча табуу мүмкүн экендигин айтып берди.
