Парламенттик көпчүлүк коалициясынын лидери Иса Өмүркулов бүгүнкү жыйында Мухаммедкалый Абылгазиевдин кызматтан кетишине байланыштуу премьер-министрлик кызматка, биринчи вице-премьер-министр Кубатбек Боронов дайындалгандыгын жарыялады.
«Мухаммедкалый Абылгазиевдин кетиши бул кырдаалда саясий жактан туура кадам болду. Белгилүү болгондой, Кубатбек Боронов өкмөттү Жогорку Кеңеш шайлоосуна чейин гана башкарат. Ал техникалык премьер болот. Баардыгы эле бул боюнча чечим кабыл алышмак эмес», — деди Иса Өмүркулов
Кубатбек Боронов учурдагы саясат кыймылында бекем болууга убада кылды.
Эске ала кетсек, өкмөт башчы Мухаммедкалый Абылгазиев кечээ жумуштан кетүү арызын жазган. Ал министрлер кабинетинин башчылыгында эки жыл иштеди. Бул жылдар аралыгында өкмөттүн курамынын дээрлик 90 пайызы алмашты.
