18:02
USD 84.76
EUR 100.89
RUB 1.16

Ошто коомдук транспорттордун айдоочулары бет кап менен камсыздалат

Ош шаарынын мэриясынын жүргүнчүлөрдү ташуу агенттиги учурда бет кап тигип жаткан ишканалардын бири менен келишим түздү. Келишимдин негизинде коомдук транспорттордун айдоочуларына көп жолу колдонулчу бет каптар таратылат. Бул туралуу Ош шаардык мэриясынын маалымат катчысы билдирди.

Шаардын вице-мэри Асылбек Топчубаев эл ташыган каттамдардын тазалыгы вирусту алдын алууга жана аны жайылтпоого өбөлгө түзөөрүн  белгиледи. 

«Каттамга чыгар алды санитардык дарыгерлер менен биргеликте унааларды тазалап, дезинфекциялап, айдоочулар болсо бет кап тагып иштейли деп жатабыз. Тийиштүү талаптар аткарылбаса айдоочулар маршруттук линиядан четтетилет. Күн сайын рейд жүргүзүлүп, текшерип турабыз», — дейт Ош шаарынын вице-мэри Асылбек Топчубаев.

Эске сала кетсек, Ош шаарында бир күндө 10 миңге жакын бет кап өндүрүүчү ишкана иштеп баштаган.

Эң көп окулган жаңылыктар