Тергөө абагында кармалган Фарид Ниязов, Алга Кылычев, Амантур Жамгырчиев жана Кыяз Смалиев кармоо шартында арызданбайт. Бул тууралуу 24.kg агенттигине Кыйноолорду алдын алуу боюнча улуттук борбордун директору Нурдин Сулайманов билдирди.
Айтымында, тергөө абагындагы Фарид Ниязовду, Алга Кылычевди, Амантур Жамгырчиевди жана Кыяз Смалиевди бир жолу зыярат кылышкан. Алардын бири дагы ден соолугунун абалына жана кармоо шарттарына арызданган жок.
«Бизге жактоочулар жана туугандары дагы кайрылышкан жок. Эгерде кайрыла турган болсо, жооп беребиз», -деди Нурдин Сулайманов.
