Нарын облусуна караштуу Ак-Талаа районунун Үгүт айылындагы 11-класстын окуучусу бычактан жаракат алып каза болду. Бул тууралуу Нарын ОИИБнын басма сөз кызматы билдирди.
Маалыматка таянсак, кылмышка 10-класстын окуучусу шектелүүдө.
Ушул жылдын 16-мартында Ак-Талаа РИИБнын нөөмөт бөлүмүнө Ак-Талаа райондук ооруканасына 11-класстын окуучусу бычактан алган жаракатынан улам келип түшкөнү жана ал өзүнө келбей каза болгону тууралуу маалымат берилген.
Маалыматка ылайык, окуучу балдардын ортосунда уруш чыгып, 2003-жылы туулган бала өзү жашаган үйүнөн ашкана бычагын алып чыгып, айылдашы 2002-жылы туулган баланы артына үч жолу сайып жиберген.
Кылмышка шектүү күнөөсүн толугу менен мойнуна алып, Ак-Талаа РИИБдин убактылуу кармоочу жайына киргизилди.
