Ушул жылдын 8 айында ЕАЭБ өлкөлөрү менен болгон соода жүгүртүү 3,4 пайызга азайып, 1 миллиард 481 миллион долларды түздү. Бул тууралуу «Республика — Ата Журт» фракциясынын отурумунда вице-премьер-министр Жеңиш Разаков билдирди.
Айтымында, ЕАЭБ өлкөлөрүнө болгон экспорттун көлөмү 5,4 пайызга өсүп, 387 миллион долларды түздү. Ал эми импорт 6 пайызга азайган.
«Жеңил өнөр жай тармагында жакшы жылыштар байкалууда», -деди Жеңиш Разаков.
