Бишкектеги медициналык колледждин директору 25 миң сом пара алып жаткан жеринен кармалды. Бул тууралуу Экономикалык кылмыштуулукка каршы күрөшүү боюнча мамлекеттик кызматынан билдиришти.
Маалыматка караганда, 10-сентябрда Экономикалык кылмыштуулукка каршы күрөшүү боюнча кызматына бир жаран арыз менен кайрылып, баш калаадагы медициналык колледждердин биринин директоруна абитуриентти окууга өткөрүү үчүн, 30 миң сом өлчөмүндөгү акчаны бергендигин айткан. Мындан тышкары директор дагы 25 миң сом пара талап кылган.
12-сентябрда медициналык окуу жайдын жетекчиси 25 миң сом пара алып жаткан жеринен кармалды.
