Бишкек гүлгө оролот: Шаарга 2 миллиондон ашык гүл отургузулат

Алдыдагы жумаларда шаар эң түркүн түстүү мезгилге даярданып жаткандыктан, Бишкектин көчөлөрү байкаларлык түрдө өзгөрө баштайт. Муниципалдык кызматтар жай боюу борбор калааны көркүнө чыгара турган бир жылдык гүлдөрдү ири масштабда отургузууну башташты.

Мэриянын басма сөз кызматынын маалыматы боюнча, «Бишкек жашыл курулуш» муниципалдык ишканасы жылдык көрктөндүрүү кампаниясын баштады. Быйыл алар шаар боюнча болжол менен 2 миллион өсүмдүк отургузууну пландаштырууда.

Гүлдөр борбор калааны жашылдандыруу үчүн ар түрдүү гүлдөр колдонулат: тагетс, сальвия, агератум, катарантус, георгин, петуния жана колеус. Алар жаз-жай мезгилинде шаарды кооздукка бөлөп турат.

Гүл композициялары менен борбордук көчөлөр, парк, сквер жана шаардагы бардык гүлзарлар кооздолот.

«Бишкек жашыл курулуш» ишканасы шаар тургундарын жана конокторун отургузулган гүлдөргө аяр мамиле кылууга, гүлдөрдү тебелебөө, үзбөөгө жана Бишкекти көрктөндүрүү үчүн күн сайын эмгектенген адистердин эмгегин урматтоого чакырат.