Кадамжайда ажылык сапарга баруучуларга сабактар өтүлө баштады. Бул тууралуу Муфтияттын басма сөз кызматы билдирди.
Кадамжай районунун баш имам хатиби Аскарали ажы Мирзаев Кадамжай районунун аймагынан ажылык сапарына баруучу жарандарга атайын сабактарды уюштуруп, ажылыктын шарттары, жол-жоболору милдеттемелерин түшүндүрүп берди.
Муну менен катар баш имам хатиб ар бир ажыга бара турган жаран зыяраттын жүрүшүндөгү амалдардын аткарылышынан кабардар болуусу керек экендигин айтып, ар бир ажы башчы кошумча сабактарды өтө тургандыгын кошумчалоо менен ар бир өтүлө турган сабакка активдүү катышууга чакырды.
