Мурдакы президент Аскар Акаевдин кызы Бермет Акаева Кыргызстанга жана саясатка кайтып келүү ниетин NEXT TV каналына берген маегинде билдирди.
Анын айтымында, жакынкы жылдары саясатка аралашуу ою жок. Анткен менен келечекте ордун кыргыз саясатында көрөт.
«Биз агам экөөбүз депутаттыкка аттанып, чоң ката кетиргенибизди түшүнөбүз. Бирок, биз өмүр бою эле бийликте олтуруп, басып алалы деген оюубуз жок болчу» — дейт Бермет Акаева.
Бермет Акаеванын пикиринде, Аскар Акаев президенттин кезинде катачылыктар менен бирге бир катар реформаларды ишке ашыра алды.
«Мына ушундан улам Кыргызстан экономикалык кризистен башка өлкөлөргө салыштырмалуу оңой чыгып кетүүдө. Атам каталары үчүн кечирим сураган. Дагы эмнени мойнуна алышы керек?» — дейт ал.
Фото интернеттен алынды. Бермет Акаева, Аскар Акаев, Майрам Акаева. Германия.
