«Бүтүн Кыргызстан» партиясынын лидери Адахан Мадумаров президенттик башкарууну кайтаруу үчүн кол топтоп баштайт. Бул тууралуу ал бүгүнкү маалымат жыйында билдирди.
Мадумаровдун пикиринде, парламенттик башкаруу өзүн актаган жок. Андыктан президенттик башкарууга жана Конституциянын 1993-жылкы редакциясына кайтуу керек.
Саясатчы мигранттарды колдоо үчүн Россия менен кош жарандуулукка барыш керек деп эсептейт.
