Ош облусунун Кара-Суу районундагы Төлөйкөн айыл аймагында 1-декабрында түнү “Жалгыз бак” мечитинен өрт чыкты. Бул тууралуу Өзгөчө кырдаалдар министрлиги кабарлайт.
Жеринде өрттү өчүрүү иш-чаралары жүргүзүлүп, саат 00:47де өрт чектөөгө алынып, саат 02:48де толук өчүрүлдү. Өрттүн кесепетинен мечиттин 500 чарчы метр жыгач устундуу темир жабылган чатыры жана 200 чарчы метр пластик шыбы күйгөн. Өрттүн келип чыгуу себеби такталууда.
