Казакстандын Борбордук шайлоо комиссиясынын мүчөсү Кыргызстандагы шайлоого байкоо салуудан келүүдөн баш тартты. Бул тууралуу Tengrinews.kz билдирет.
Маалыматка караганда Казакстандын Боршайкомунун жыйынында Марат Сарсембаев Кыргызстандагы шайлоого байкоо салууга каршы пикирин билдирген.
«Алмазбек Атамбаев Казакстанды Кыргызстандагы шайлоого аралашып жаткандыгын айтып, айыптады. Андыктан, бизди өлкөгө карата кандайдыр бир көлөкө түшүрө турган шек жаратуудан алыс болуш үчүн мен Бишкекке баруудан баш тартам», — деди ал.
Марат Сарсембаевдин сунушун кесиптештери колдоду.
Эскерте кетсек, президентикке талапкер Өмүрбек Бабанов Нурсултан Назарбаев менен жолугушкандан кийин Кыргызстандын ТИМи Астанага нота жиберген.
