Кыргызстан менен Өзбекстан ортосундагы чек араны тактоо боюнча эки өлкөнүн өкмөттүк делегацияларынын кезектеги сүйлөшүүлөрү Наманганда өтүп жатат.
Расмий маалыматтарга ылайык, жолугушуу 13-августка чейин болот. 2016-жылдын соңунан бери эки мамлекеттин тийиштүү адистери ай сайын сүйлөшүүлөрдү жүргүзүшүүдө.
Кыргызстан менен Өзбекстандын чек арасы 1378 чакырымга созулат, анын 320 чакырымы такталып бүтө электиги маалымдалган.
