Кыргызстандын курама командасы Art Football2025 фестивалынын Гран-присин жеңди

Кыргызстандын курама командасы «Art Football- 2025» фестивалынын Гран-присин жеңип алды. Бул тууралуу Бишкектеги Орус үйү билдирди.

Орус үйүнүн маалыматы боюнча, Москвада онунчу юбилейлик эл аралык футбол жана музыкалык Art Football 2025 фестивалы аяктады. Бул иш-чарага 16 өлкөнүн артисттери, актёрлору жана шоу-бизнес жылдыздары чогулду. Катышуучулар калыстар тобуна концерттик программаларды көрсөтүп, спорттук чеберчилик боюнча гана эмес, чыгармачылык боюнча да күч сынашты.

Бул Кыргызстандын командасы үчүн үчүнчү фестиваль. Быйыл коллектив башкы музыкалык байгеге — мыкты концерттик программа үчүн Гран-приге ээ болду. Кошумчалай кетсек, калыстар тобу бир добуштан «Мыкты ырчы» номинациясында жалпы командага алтын медаль ыйгарышты.

Футбол талаасында өлкө намысын Абил Байгазиев коргоп, мелдештин мыкты чабуулчусу деп табылган.

Арт футболго Кыргызстандын атынан ырчылар Адил Чекилов, Игорь Воронцов, Александр Волкодав, Оскар Султаналиев, Тынай Алыбаев, Петр Спицын, Жаныбек Оңолбаев, Данияр Дөлөтбаков, Мурат Дербишалиев, Темирлан Магзимов, Марлен Алибеков; пианист Нурсултан Сейсембаев; актёрлор Максатбек уулу Арсен, Абил Байгазиев, Аскар Качкынбаев, Абдусалам уулу Амантур; Теле алып баруучу Алмаз Раимжанов, режиссёр Бакирдин Борукеев, дирижер Бексултан Маматкулов, ошондой эле экс-футболчулар Айбек Бокоев менен Владислав Волков.