Адамдын ден соолугу анын тамактануусунан көз каранды. Бул тамак-ашка гана эмес, ичимдиктерге да тиешелүү, анткени алар организмдин жалпы абалына, адамдын ден соолугуна жана сырткы келбетине олуттуу таасирин тийгизет. Бул тууралуу Муsavat.com сайты жазып чыкты.
Эң пайдалуу суусундуктарды жалпы практикалык дарыгер жана гастроэнтеролог Шота Каландия талкуулады.
Биринчиден, ал таза сууну жетиштүү ичүүнү сунуштады, анткени ал ден соолукту сактоодо, тамак сиңирүүнү жакшыртууда, азыктарды ассимиляциялоодо жана токсиндерди чыгарууда негизги ролду ойнойт. Суу бардык органдардын жана системалардын нормалдуу иштешине өбөлгө түзөт.
Адис ошондой эле жаңы сыгылган табигый ширелердин пайдалуу жактарын белгиледи. Алардын ар бири ар кандай пайдалуу касиеттерге ээ.
«Ошондой эле табигый кофенин пайдалуу жактарын айта кетели. Бул суусундуктун курамында теринин бекем жана серпилгич болуп калышына жардам берген коллагендин өндүрүшүн стимулдаган кофеин кислотасы бар. Кофе ошондой эле клеткаларды эркин радикалдардын кыйратуучу таасиринен коргогон антиоксиданттарга бай», — деп улантты Каландия.
Дарыгер белгилеген дагы бир пайдалуу суусундук — какао. Анын курамында теринин суусуздануусуна жол бербеген пантотен кислотасы, ошондой эле коллагендин өндүрүшүн стимулдаган фолий кислотасы бар.
Жыйынтыктап айтканда, дарыгер бул суусундуктардын кээ бирлери каршы көрсөтмөсү болушу мүмкүн экенин эскертти. Андыктан аларды ичердин алдында адис менен кеңешүү сунушталат. Мындан тышкары, аларды кыянаттык кылбаш керек.
