Б.Н Ельцин атындагы Кыргыз-Орус Славян университетинде ректорат алмашты. Бул тууралуу 24.kg басылмасына университеттен билдиришти.
Университеттин жетекчилиги өз кайрылуусунда өткөн жылы КРСУга жаңы жетекчилер тобу дайындалганын, анын алдында амбициялуу милдет — университетти терең трансформациялоо жана аны алдыңкы окуу жайдын позициясына кайтаруу милдети тургандыгы белгиленген.
«Жыл ичинде окуу программаларын жакшыртуу, билим берүүнүн сапатын жогорулатуу жана инфраструктураны модернизациялоо боюнча масштабдуу иштер аткарылды. Команданын макулдашылган аракеттери жана академиялык коомчулуктун колдоосу олуттуу натыйжаларга жетишүүгө мүмкүндүк берди . Окуу курстары заманбап эмгек рыногунун талаптарына ылайыкташтырылды. Инновациялык билим берүү долбоорлору ишке киргизилди жана университеттин материалдык-техникалык базасы олуттуу жакшырды», — деп айтылат кайрылууда.
КРСУнун проректорлорунун жамааты университеттин өнүгүшүнө кошкон баа жеткис салымы үчүн бардык кызматкерлерге чын жүрөктөн ыраазычылык билдирет. «Жалпы күч-аракеттин аркасында биздин максаттарыбызга жетүү жана КРСУнун трансформациясынын биринчи этабын ийгиликтүү аяктоо мүмкүн болду», — дейт ал.
Жакынкы арада өкмөттөр аралык келишимдин жоболоруна ылайык, россиялык тарап университеттин жаңы жетекчилигин дайындайт, ал КРСУнун позициясын бекемдөө жана аны эл аралык аренада жылдыруу боюнча ишти улантат. Орусиянын алдыңкы университеттеринин эксперттер тобу.
