Ысык -Көлдүн жээгиндеги Чыныбай Турсунбеков атындагы поэзия фестивалынын жыйынтыгы чыгарылды. 80ге жакын акындардын ичинен алтоо, ал эми көркөм окуу сынагынан 200дөн ашуун катышуучунун ичинен жетөө финалга чыккан.
Фестивалдын жыйынтыгында 80ге жакын акындардын ичинен алтоо, ал эми көркөм окуу сынагынан 200дөн ашуун катышуучунун ичинен жетөө финалга чыккан
Поэзия майрамынын жыйынтыгында баш байгени акын Сайра Батыркулова жеңип, 100 миң сом жана атайын статуэтка менен сыйланды. Ал эми 1-орун 40 миң сом жана диплом менен Канат Таалайбеков, 2-орун 30 миң сом жана диплом менен Жылдызбек Турсунбаев, 3-орун 20 миң сом менен Элгиза Бусурманкулова сыйланышты. «Жылдын табылгасы» катары Ырысгүл Изатова, «Эл сүймөнчүгү» деп Эдилбек Муканбетов табылды.
