Кыргызстанда беш банк жоюлуу алдында турат. Бул тууралуу Улуттук банктын отчетунда айтылат.
Регулятордун маалыматына караганда жоюлууга тийиш болгондордун тизмесине «АзияУниверсалБанк» ААК, «Ысык-Көл инвестициялык банкы» ААК, «Манас Банк» ЖАК, «Ак Банк» ААК жана Пакистан Улуттук банкынын Бишкек филиалы кирет.
Эске сала кетсек, «АзияУниверсалБанк» менен «Манас Банк» өлкөнүн бийликтен кулатылган президенти Курманбек Бакиевдин уулу Максим Бакиев менен байланышы бар.
1999-жылы орусиялык ишкер Михаил Надель анын Кыргызстандагы филиалын Эл аралык бизнес банкы деп аталган Батыш Самоа банкынан сатып алып, 2000-жылы АУБ деп өзгөрткөн.
Манас Банкты 2008-жылы латвиялык банкир Валерий Белоконь негиздеп, ал 2007-жылы Кыргызстандын ошол кездеги кудуретсиз коммерциялык банкы «Инсан Банкты» сатып алып, анын атын өзгөрткөн.
Кошумчалай кетсек, 1994-жылы Кыргызстан, Казакстан жана Өзбекстан тарабынан түзүлгөн Борбор Азия кызматташтык жана өнүктүрүү банкынын Бишкектеги филиалы лицензиясыз калууда.
