Германияда өтүп жаткан 2024-жылы футбол боюнча Европа чемпионатынын 1/8 финалынын биринчи жуптары белгилүү болду.
Ошентип Италия курама командасы Евро-2024тун 1/8 финалында Швейцария менен ойнойт. Беттеш ишемби күнү, 29-июнда Берлиндеги Олимпиастадиондо өтөт.
Евро-2024 тайпалык баскычынын акыркы турунда Италия Хорватия менен тең ойноп (1:1) плей-оффко жолдомо алды жана В тайпасында экинчи орунду ээледи. Швейцария «А» квартетинде экинчи орунду ээледи.
Эске сала кетсек, Италия курамасы учурдагы Европа чемпиону.
